Προσευχή πρό τῆς Μεγ. Ἑβδομάδος - Τοῦ Σεβ. Μητροπολίτου Μάνης κ. Χρυσοστόμου Γ'

Δέσποτα Πολυέλεε Κύριε ἡμῶν Ἰησοῦ Χριστέ, ἐπάκουσον ἡμῶν τῶν ἀναξίων δούλων σου ἐν τῇ ὥρᾳ ταύτῃ δεομένων σου. Ἐπίβλεψον ἐφ' ἡμᾶς εὐσπλάγχνῳ ὄμματί σου καί ἔπιδε συμπαθῶς ἐπί τήν ἡμετέραν ταπείνωσιν. Σύ ἔδωκας ἡμῖν τάς πανσέπτους τεσσαράκοντα ἡμέρας πρός καθαρισμόν ψυχῶν καί σωμάτων, πρός ἐγκράτεια παθῶν καί πλείονα προσευχήν. Νῦν, ἔνθες ἡμῖν δύναμιν ἐξ ὕψους, τήν Ἁγίαν καί Μεγάλην ταύτην Ἑβδομάδα διελθεῖν ἐν ἱερᾷ κατανύξει καί συντριβῇ καρδίας καί ταπεινώσει καί σιωπῇ ἐνώπιον τῶν Σεπτῶν Παθῶν σου. Ἀξίωσον ἵνα βιώσωμεν πνευματικῶς τάς ἁγίας καί πανσέπτους ἡμέρας τῆς Μεγάλης Ἑβδομάδος, ἅς οἱ θεοφόροι Πατέρες εὐδοκίᾳ τῆς σῆς χάριτος καί δωρεᾶς ἐθέσπισαν τῇ ἁγίᾳ σου Ἐκκλησίᾳ.

Ναί, Κύριε, Ἐσταυρωμένε Ἰησοῦ, παρακαλοῦμεν καί καθικετεύομεν, γενοῦ ἵλεως καί μή διά τό πλῆθος τῶν ἀνομιῶν ἡμῶν στερήσεις τήν χάριν Σου. Σύ Κύριε, ὁ σταυρωθείς καί τυθείς ὑπέρ ἡμῶν τῶν ἀχαρίστων καί ἀγνωμόνων καί τῷ οἰκείῳ σου αἵματι ἀναπλάσας τήν φθαρεῖσαν ὑπό τῆς ἁμαρτίας φύσιν ἡμῶν˙ Αὐτός ἀθάνατε Βασιλεῦ, εἰσάκουσον ἡμῶν τάς ἱκετηρίους ἡμῶν δεήσεις, ἵνα συμπορευθῶμεν ἐν τῷ Παραδείσῳ τῆς δόξης σου. Ἀμήν.